ANDREA BARREIRA FREIJE É A GAÑADORA DO VII PREMIO AGUSTÍN FERNÁNDEZ PAZ DE NARRATIVA INFANTIL E XUVENIL POLA IGUALDADE    

DITAME DO XURADO DO VII PREMIO AGUSTÍN FERNÁNDEZ PAZ DE LITERATURA INFANTIL E XUVENIL POLA IGUALDADE

O sábado 21 de outubro de 2023, ás 16:30 horas, reuniuse, no local do IESCHA da Casa da Cultura de Vilalba, o Xurado do VII Premio Agustín Fernández Paz de narrativa infantil e xuvenil pola Igualdade, convocado polo Instituto de Estudos Chairegos, o Concello de Vilalba e Edicións Xerais de Galicia, e formado por D. Manuel Bragado Rodríguez, Dª Beatriz Maceda Abeleira e D. Pablo Nogueira Campo. Unha vez rematada a reunión emiten o seguinte DITAME:  

O Xurado acorda, por unanimidade, outorgar o VII Premio Agustín Fernández Paz de narrativa infantil e xuvenil pola igualdade á obra titulada QUEN PRECISA UNHA AVOA?,presentada baixo o lema ou seudónimo de #EUNONTEÑOAVOAS.


Unha vez aberta a plica, resultou ser a súa autora 

ANDREA BARREIRA FREIJE

O xurado valora na novela o novedoso enfoque sobre o idadismo, a toma de consciencia sobre as necesidades das avoas por parte das crianzas, así como a importancia da observación e os coidados nas residencias de maiores. A conciliación familiar, o tecido da rede de afectos e a sororidade entre todos os personaxes son outros temas desta novela na que a autora a través do humor transmite dun xeito maxistral a complicidade  entre diferentes xeracións.   


_________________________________

ANDREA BARREIRA FREIJE, (Fonsagrada, 1986), é unha escritora galega.Graduada en xornalismo pola Univesidade de Santiago de Compostela, mestrado en Comunicación Científica, Tecnolóxica e Medio-ambiental pola Universidade Carlos III de Madrid e outro en Estudos Internacionais pola pola Universidade de Santiago de Compostela.

Imparte obradoiros de escritura para adolescentes e adultos. 

Foi xestora cultural, tradutora, locutora, dependenta… e pedagoga.

Forma parte da plataforma de crítica literaria feminista A Sega, que visibiliza o traballo das escritoras.

Publicou o conto infantil de Nadal, Que pode sair mal? para as actividades Pontexogos (Pontevedra) do Nadal 2016/17, ilustrado por Ana Seoane.

Obras

Non hai luz sen escuridade (2015). Santiago: Urco Editora. Novela xuvenil fantástica. 

Palabra de bruxa (2018). Vigo: Galaxia, Costa Oeste. 168 páxs. 

Desmontando o corpo, construíndo a ciencia. As xemelgas Fernández de la Vega (2021). A Coruña: Baía. 48 páxs. (Fonte wikipedia)

Un pensamento en “ANDREA BARREIRA FREIJE É A GAÑADORA DO VII PREMIO AGUSTÍN FERNÁNDEZ PAZ DE NARRATIVA INFANTIL E XUVENIL POLA IGUALDADE    

Deixa unha resposta

O teu enderezo electrónico non se publicará Os campos obrigatorios están marcados con *

Vindeiras actividades

Esta web emprega cookies propias para o seu correcto funcionamento. Ao premer o botón Aceptar, aceptas o uso destas tecnoloxías e o procesamento dos teus datos para estos propósitos.    Máis información
Privacidad