Categoría: Comunicados

O INSTITUTO DE ESTUDOS CHAIREGOS quere expresar a súa máis sincera felicitación a Felipe Arias, recentemente elixido membro correspondente da Real Academia Galega, unha distinción que recoñece unha traxectoria intelectual e profesional de enorme relevancia para a cultura galega. O pleno da institución académica votou favorablemente a súa incor-poración, salientando a traxectoria dun historiador, arqueólogo e museólogo que dedicou a súa vida ao estudo, á protección e á difusión do patrimonio galego, cun labor destacado á fronte do Museo Provincial de Lugo e, de maneira especial, do Museo do Castro de Viladonga, que dirixiu desde a súa creación en 1983 até a súa xubilación en 2014, converténdoo nun centro de referencia da arqueoloxía galega. Para o IESCHA, este recoñecemento ten ademais un significado especial, pois Felipe Arias Vila é socio da nosa entidade e colabora-dor en diversas actividades. Por todo o anterior,…

O IESCHA quere expresar a súa máis sincera noraboa á escritora Cecilia F. Santomé, recentemente proclamada gañadora do XLIV Premio de Novela Blanco-Amor pola súa obra “Boundaries Road SW12 8HD”. O galardón, outorgado pola Deputación de Ourense, acadou nesta edición a maior participación da súa historia, con 75 obras presentadas, o que fai aínda máis significativo este logro. O xurado salientou especialmente a súa capacidade para a “creación dun universo narrativo con gran pegada poética”, un recoñecemento que pon de manifesto a profundidade literaria e a sensibilidade artística dunha autora que está a abrir camiño cunha voz propia, auténtica e poderosa. Desde o IESCHA queremos destacar, ademais do seu talento narrativo, a súa capacidade para conectar coa emoción e para construír relatos que permanecen no lector máis aló da lectura. A súa obra é exemplo de compromiso coa…

O IESCHA no mes de novembro ten previsto a realización das seguintes actividades: 1. Presentacións Presentación do libro: “A fraga dos teixos”, de Xosé Salvadores Venres 7 de novembro de 2025 20:00 Casa da Cultura de Vilalba 2. Ciclo Mestre Mateo Proxección da longametraxe gañadora: “As Neves”, de Sonia Méndez Domingo 9 de novembro de 2025 20:00 Auditorio Municipal de Vilalba 3. Xornadas II Xornadas Patrimonio Inmaterial Venres 14 e sábado 15 de novembro de 2025 Venres: Inicio 17:30 | Sábado: Inicio 11:00 Casa da Cultura de Vilalba 4. Exposición Especial 25 aniversario do IESCHA “Retratos”, de Pedro Cabarcos Xoves 20 de novembro de 2025 20:00 (ata 31 de decembro) Sala de Exposicións do Auditorio Municipal de Vilalba 5. Palestra “Díaz Pardo, obra, milagres e espolio” Impartida por Felipe Senén…

FRAN FERNÁNDEZ DAVILA é o gañador do IX Premio AGUSTÍN FERNÁNDEZ PAZ DE NARRATIVA INFANTIL E XUVENIL POLA IGUALDADE. O ditame do Xurado foi emitido onte sábado 25 de outubro e 2025 na GALA DE ENTREGA DO VIII PREMIO AGUSTÍN FERNÁNDEZ PAZ a EVA MEJUTO, gañadora na edición do ano pasado. O libro gañador deste IX PREMIO foi presentado por FRAN FERNÁNDEZ DAVILA baixo o lema de: O MURO. "Lucía deixa de xogar ao fútbol aos nove anos, cando o seu pai desfíxolle o balón cunhas tesoiras. Dende entón, adestrar converteue para ela nunha actividade clandestina que lle proporciona os únicos momentos de felicidade da semana. Esta é unha historia que afonda nos segredos familiares, na incomunicación entre pai e filla, na difcultade de xestionar as emocións e de perseguir…

O IESCHA quere expresar a súa máis sincera noraboa a Belén Varela, directora do Centro Ocupacional Vilalba–Terra Chá (entidade que recentemente celebrou o 25 aniversario), pola súa distinción como Lucense do Ano, un recoñecemento outorgado polo xornal El Progreso. A traxectoria de Belén Varela é un exemplo de vocación, entrega e compromiso coa Terra Chá, guiada sempre pola vontade de mellorar a vida das persoas e de construír unha sociedade máis igualitaria. O seu labor transcende o ámbito profesional, converténdose nun referente de humanidade e responsabilidade social. Esta distinción representa tamén un recoñecemento ao traballo colectivo que lidera, á capacidade de crear oportunidades e tender pontes entre institucións, familias e comunidade. Grazas ao seu impulso, o Centro Ocupacional Vilalba–Terra Chá é hoxe un símbolo de inclusión e esperanza para toda a comarca. Parabéns, Belén, por este…

Debido á xornada de paro e mobilización en solidariedade co pobo palestino, convocada para este día mércores 15 de outubro, o Iescha, en solidaridade coa mesma decidiu adiar a proxección da película HONEYMOON prevista para hoxe no Auditorio de Municipal de Vilalba. Consideramos importante sumarnos a esta chamada colectiva pola paz, pola xustiza e polos dereitos humanos, e entendemos que este é un momento para parar, reflexionar e acompañar a quen sofre as consecuencias da violencia e da ocupación. Á mesma hora que tiña previsto proxectarse a película, está convocada unha mobilización en apoio a Palestina na praza da Constitución de Vilalba. A nova data da proxección anunciarase proximamente polas nosas canles habituais. Agradecemos a comprensión e o apoio de todas as persoas espectadoras. Pola paz e pola dignidade dos…

O INSTUTUTO DE ESTUDOS CHAIREGOS DE VILALBA quere manifestar a súa máis fonda satisfacción e trasladarlle os parabéns ao director de cine  OLIVER LAXE pola recente escolla da súa longametraxe SIRAT como candidata a participar nos Premios Óscar na categoría de Mellor Película Internacional. A presenza de SIRAT no camiño aos Óscar supón un fito de enorme relevancia na traxectoria persoal e artística de Oliver Laxe e unha oportunidade para visibilizar a riqueza creativa que xorde dende Galicia. No IESCHA celebramos este logro, confiando en que o recoñecemento contribúa a fortalecer o papel da cultura como motor de cohesión, prestixio e proxección interna-cional. Parabéns, Oliver Laxe!!! Moita sorte no camiño que queda!!! A XUNTA DIRECTIVA DO INSTITUTO DE ESTUDOS CHAIREGOS DE VILALBA