Categoría: Comunicados

O Instituto de Estudios Chairegos quere transmitir por este medio os parabéns a Brais Lamela como flamante gañador na categoría de Narrativa da XXXIV edición dos Premios 'El Ojo Crítico' de RNE. Entre outra consideracións, o xurado manifesta que o libro polo que foi galardonado, Ninguén queda, “é unha novela sorprendente na que recupera a memoria dos que todo o perderon”. Así mesmo, engaden, “é unha novela luminosa chea de amor que enche os baleiros a través das palabras”. Moitos Parabéns, Brais!!!

Hai 20 anos, un 15 de febreiro de 2003, a Real Academia Galega celebraba sesión extraordinaria pública de recepción como membro numerario de Manuel María Fernández Teixeiro. O acto, lembremos, levouse a cabo no Auditorio Municipal de Vilalba por expreso desexo do propio Manuel María, e no que o Iescha participou activamente. Hoxe, vinte anos despois, o Instituto de Estudos Chairegos quere conmemorar dita efeméride co envío á Sra. Alcaldesa do Concello de Vilalba do escrito que reflectimos a continuación e no que solicitamos, unha vez máis, que definitivamente a CASA DA CULTURA DE VILALBA leve o nome de MANUEL MARÍA. “O Instituto de Estudos Chairegos, ao abeiro da ordenanza núm. 50 (Regulamento Especial de Honras, Distincións e Protocolo Cerimonial do Concello de Vilalba), co gallo da celebración do vixésimo aniversario do…