Categoría: Conferencias

O Instituto de Estudos Chairegos, co patrocinio da Área de Cultura-Vicepresidencia da Deputacion de Lugo e a colaboracion do Concello de Vilalba, organiza, dentro dos actos previstos para conmemorar o MES DE ROSALÍA, a palestra “ROSALÍA. PROCLAMAR AO MUNDO QUE GALIZA EXISTE”, a cargo de FRANCISCO RODRÍGUEZ, comisariado e autor dos textos da exposición co mesmo nome que nestes días permanece aberta ao público na Sala de Exposicións do Auditorio. O acto terá lugar o venres 20 de de febreiro de 2026, ás 20:00 horas, no mesmo lugar da exposición no Auditorio Municipal de Vilalba. FRANCISCO RODRÍGUEZ É Licenciado e Doutor en Filoloxia Románica e Catedrático de Literatura española en Instituto. É autor dunha ampla obra de investigación e ensaio en temas lingüísticos, literarios, culturais e políticos desde unha perspectiva nacionalista. Inaugura unha liña…

O Instituto de Estudos Chairegos, organiza a Palestra “Isaac Díaz Pardo, milagres e expolio”, impartida por FELIPE SENÉN, historiador da cultura galega, que será presentado por Marisa Barreiro, presidenta do Iescha. O acto terá lugar o vindeiro venres 21 de novembro, ás 20:00 horas, Casa da Cultura de Vilalba. Isaac Díaz Pardo, (1920 Compostela- 2012 Coruña). Fillo do escenógrafo Camilo Díaz Baliño viviu fondamente os anos e liberdades da república e da guerra civil na que asesinan nunha cuneta de Palas de Rei ao seu pai. No 1948, apoiado por varios intelectuais no exilio bonaerense, especialmente do pintor Luis Seoane, comeza un singular e modélico proxecto industrial no mundo, vinculado ao proceso arte-industria, tradición-vangarda desenvolto por Cerámicas e Editorial do Castro, Sargadelos ou como base teórica o Laboratorio de Formas de…

O Instituto de Estudos Chairegos, coa colaboración do Concello de Vilalba, e dentro dos actos programados no mes das LETRAS GALEGAS’25, dedicadas este ano á POESÍA POPULAR ORAL, organiza a PALESTRA “AS DE MENS. A ORALIDADE INVISÍBEL TORNANDO VISÍBEL”, impartida por BEATRIZ BUSTO MIRAMONTES, Mestra Especialista en Educación Musical pola Universidade de Vigo (2003), Licenciada en Historia e Ciencias da Música (2006) e en Antropoloxía Social e Cultural (2008) pola Universidade Autónoma de Madrid, E Doutora en Antropoloxía Social e Cultural da USC e escritora. O acto terá lugar na Casa da Cultura de Vilalba o venres 9 de maio de 2025, ás 20:00 horas, e contará tamén coa actuación do grupo LAMBE LAMBE. Presentación a cargo de Marisa Barreiro, presidenta do Iescha. A entrada será de balde ata completar…

O Instituto de Estudos Chairegos, coa colaboración do Concello de Vilalba, organiza a PALESTRA “LIEDERS: NACE UNHA ESCRITORA, ROSALÍA DE CASTRO”, impartida por PILAR GARCÍA NEGRO, profesora honoraria da USC e escritora.  O acto terá lugar na Casa da Cultura de Vilalba o martes 22 de abril de 2025, ás 20:00 horas, e será presentado por Marisa Barreiro, presidenta do Iescha. LIEDERS.- "Eu son libre. Nada pode conter a marcha dos meus pensamentos e eles son a lei que rexe o meu destino". En 1858 Rosalía de Castro publicou en El Album de El Miño -xornal vigués activo entre os anos 1857 e 1868- o artigo Lieders, un breve texto en castelán que ben pode considerarse o primeiro manifiesto feminista publicado en Galicia. Rosalía ten nese momento 21 anos, acaba de coñecer a Manuel Murguía (con quen casou en outubro dese ano) e vén de publicar o seu primeiro poemario, La Flor. …

 O Instituto de Estudos Chairegos, coa colaboración do Concello de Vilalba, organiza a PALESTRA “PALESTINA, UM CONFLITO. UM POVO QUE RESISTE”, a cargo de VICTORINO PÉREZ PRIETO, profesor, escritor teólogo e pensador.Presenta: Marisa Barreiro. O acto levarase a cabo o venres 4 de abril de 2025, ás 20:00 horas, na Casa da Cultura de Vilalba. VICTORINO PÉREZ PRIETO: Profesor universitario xubilado e escritor, teólogo e  pensador. Especialista en temas de cultura galega; sobre todo na Xeración “Nós” e en Prisciliano. Tamén é especialista en Raimon Panikkar, sobre quen fixo as Teses de Doutoramento en Filosofía (USC) e Teoloxía (UPSA). Estudou Filosofía e Teoloxía en Santiago; doutorouse en Teoloxía na Universidade Pontificia de Salamanca e en Filosofía na Universidade de Santiago.  Foi moitos anos profesor de Instituto; logo deu clases nas Universidades…

O Instituto de Estudos Chairegos (IESCHA), coa colaboración do Concello de Vilalba, organiza a conferencia “A CREACIÓN DUN DISCURSO PROPIO SOBRE A LINGUA GALEGA E A SÚA NORMALIZACIÓN”, impartida por ANA MARÍA IGLESIAS, Doutora en Filoloxía, coa presentación de MARISA BARREIRO. Esta acto terá lugar na Casa da Cultura de Vilalba, o venres 24 de xaneiro de 2025, ás 20:00 horas. Ana Iglesias Álvarez (Vigo, 1973). Doutora en Filoloxía (2002) e licenciada con grao en Filoloxía Hispánica e Filoloxía Galego-Portuguesa, pola Universidade de Santiago de Compostela. Premio Extraordinario de Licenciatura (curso 1997/98) e Premio Extraordinario de Doutoramento da Facultade de Filoloxía (curso 2001/02). Tras rematar a licenciatura, dedicouse á investigación no campo da Sociolingüística. Resultado deste labor son varios artigos publicados en revistas especializadas, como Verba, Cadernos de Lingua ou…