Categoría: RESEÑA

Na noite deste martes, 16 de xaneiro, a Casa da Cultura de Vilalba acolleu a presentación de "Tinta de Fol" (exposición, libro, música e pintura) organizado polo Instituto de Estudos Chairegos. O acto comezou, unha vez máis, coa enérxica condena, manifestada por Marisa Barreiro, presidenta do Iescha, á masacre e ao xenocidio que está a sufrir o pobo palestino en Gaza. Logo, despois de detallar algúns aspectos relacionados coa montaxe do acto, deu paso a Sabela Olivares, compositora e intérprete, para introducirnos na esencia da publicación e da exposición "Tinta de Fol", unha iniciativa xestada polo grupo Boroa, tentando fusionar disciplinas artísticas como a música e a pintura... Un reto que, neste caso, deu lugar ao libro e á exposición: partitura, debuxo, audio... Música e pintura fusionándose brillantemente. Despois, os…

Na noite deste xoves, o Iescha organizou o acto de presentación do libro “1916-1923: O IRMÁN PEÑA NOVO”, de Alberte Currás Gato, editado polo Instituto de Estudos Chairegos coa financiación da Área de Cultura-Vicepresidencia de Deputación de Lugo.  Marisa Berreiro, que presentaba o acto, deu comezo condenando unha vez máis a masacre que está a sufrir a poboación de Gaza, para a continuación dar conta dos diversos actos organizados polo Iecha en torno á figura de Lois Peña Novo, pasando despois á presentación de Alberte Currás Gato, un veciño de Vilalba e autor do libro que se presentaba.  Alberte Currás inicio a súa intervención, agradecendo, en primeiro lugar, ao Iescha a súa excelente acollida para facerse cargo da edición do libro, para a continuación pasar a falar de Lois Peña Novo.…

Este xoves, na Casa da Cultura de Vilalba, o Instituto de Estudos Chairegos, coa colaboración do Concello do Vilalba, organizou a última das conferencias previstas para o presente ano 2023 e correspondente ao Ciclo Mulleres Galegas. Foi impartida nesta ocasión por Sabela Olivares baixo o título de O LEGADO DE DOROTHÉ SCHUBARTH NA TRADICIÓN GALEGA. Marisa Barreiro, presidenta do Iescha, levou a cabo a presentación da conferenciante, Sabela Olivares, non sen antes deixar constancia da máis absoluta repulsa pola guerra de Israel contra o pobo palestino. Sabela Olivares, despois de agradecer as palabras de Marisa, comeza falando de Dorothé Schubarth, a muller suíza que realizou un importantísimo traballo para a música popular galega. Grazas á completa exposición de Sabela poidemos coñecer máis polo miúdo a Dorothé, musicóloga, compositora e docente,…

O acto de entrega do VI Premio Agustín Fernández Paz ao seu gañador Pablo Nogueira no defraudou, nin moito menos. A deste sábado, foi unha noite chea de emocións. O numeroso público asistente puido disfrutar dunha gala entrañable, variada, atractiva e cargada de sensibilidade en todas e cada unha das intervencións e actuacións que se foron sucedendo. Comezando pola sempre completa e profesional condución do acto a cargo de Carmen Hermida (co infatigable traballo da intérprete de linguaxe de signos ao seu carón). Cotinuando coas palabras de benvida a cargo da presidenta do IESCHA, Marisa Barreiro: a satisfacción de ler, a de soñar esperto coas palabras dos libros, capaces de transportarnos a mundos onde a imaxinación é a protagonista. Con Lambe Lambe: voces, pandeiros e acordeón que acariñaron os nosos…

A conferencia que na tarde-noite deste venres nos ofreceu Cris Felpeto, “A VIOLENCIA CONTRA A MULLER NA OBRA DAS ESCRITORAS GALEGAS”, estaba incluída no ciclo Mulleres Galegas que o Iescha impulsou ao longo de 2023, como ben explicou Marisa Barreiro, encargada de facer a presentación da conferenciante, da que salientou o seu extenso e brillante curriculo, non sen antes explicar o gravísimo problema que representa para a nosa sociedade a violencia de xénero, facendo especial fincapé no papel fundamental que todos e todas xogamos na loita contra a mesma. Marisa Barreiro destacou tamén a importancia de recoñecer a realidade deste problema e de rexeitar calquera discurso negacionista que ameace con banalizalo. Neste contexto, a primeira parte da charla de Cris Felpeto resultou ser unha valiosa contribución ao coñecemento de infinidade…