Categoría: RESEÑA

A visita á exposición fotográfica “A MALLA DE PASCUAL. 1957”, de ANTÓN BEIRAS, que unha representación do Instituto de Estudos Chairegos realizou este venres 18, no lugar de AS AGUIAS-MURAS, foi unha excelente experiencia: A mostra brindounos a posibilidade de viaxar ao pasado e a conectar coas raíces do traballo tradicional, específicamente coas tarefas da malla, tan propias do noso rural. CARME VARELA, unha das organizadoras da exposición, acompañounos en todo momento exercendo de magnífica guía, o seu traballo foi simplemente magnífico, cun relato cheo de sentimento e coñecemento, que fixo que cada fotografía cobrara vida diante dos nosos ollos. Unha das cousas que máis salientou Carme da exposición, con imaxes maxistralmente realizadas por Antón Beiras, foi a dignificación do traballo que se reflicte en cada unha delas. Así, poidemos…

Ás oito da noite do xoves 29 de agosto, no Auditorio Municipal de Vilalba, o Instituto de Estudos Chairegos programou o acto de inauguración da XII Exposición “Tal como eramos-Fotos para o recordo”. A mostra ofrece unha completa e variada colección de fotos antigas, maioritariamente pertencentes á primeira metade do século XX. A presidenta do Iescha, Marisa Barreiro, dirixiu unhas palabras ao público asistente, para agradecer a súa presenza no acto, e para explicar brevemente as características da mostra, comentando que se vai consolidando edición tras edición, e que sería imposible sen a colaboración de infinidade de persoas cedendo as fotografías polo que expresa o seu infinito agradecemento. Nesta edición, o público asistente, que enchía a Sala de Exposicións do Auditorio, quedou de novo asombrado coa coidada e variada selección…

Noite do 22 de agosto de 2024. Templete da Música de Vilalba. O Iescha tiña programado o III Concerto de Verán. E empezaremos dicindo que a experiencia foi inesquecible e chea de enerxía.  O acto iniciouse cunha vibrante sesión de DJ, encargándose Jesu Paz de quentar o ambiente. Coas súas mesturas, conseguiu que o público se puxese a bailar desde o primeiro minuto, creando unha atmósfera de expectación para o que estaba por vir. Despois de Jesu, chegou o turno de Shera & Sile (Anxo & Duarte), que tomaron o escenario con forza e moita actitude. Durante uns intensos 45 minutos, interpretaron temas propios que conseguiron conectar coa xente. As súas letras, cargadas de denuncia social e protesta, estaban en perfecta harmonía coa bandeira de Palestina que ondeaba no escenario,…

Este venres, 21 de xuño, no Auditorio Municipal vilalbés, nun acto organizado polo IESCHA, asistimos a un concerto único e fascinante no que a música e a bioloxía se mesturaron de xeito extraordinario. Pablo Carpintero foi o encargado de levarnos da man, explicando con moito detalle aspectos importantes das vivencias musicais e a súa conexión coa bioloxía humana. Todo empeza no ventre materno…. A partir de aí, música e evolución danse a man, ofrecendo unha perspectiva innovadora e educativa sobre a nosa relación coa música. O concerto destacou pola súa diversidade instrumental. Pablo Carpintero e Rosa Sánchez alternaron a interpretación de pezas coa descrición dos instrumentos que ían mostrando e utilizando, moitos e variados: pandeiro, pandeiretas, triángulos, asubíos, fungos, zoadeiras, toba, gaitas de palla, gaitas de cana, albocas, gaita de…

A tarde-noite do sábado 15 de xuño celebrouse un magnífico concerto na Casa da Cultura de Vilalba. O ambiente era o axeitado, e o público estaba máis que disposto para escoitar ao cuarteto vocal SON DE CORDA, formado por Esperanza Iglesias (soprano), Carmen Prendes (contralto), Fernando G. Jácome (tenor) e Antón Castro (baixo), que estiveron acompañados por Raúl Rodríguez, ao piano, e María Pichín, na danza.  O evento foi presentado por Marisa Barreiro, presidenta do Iescha, que fixo unha introdución sobre os poetas que ían ser homenaxeados, sobre o cuarteto Son de Corda e sobre o concerto denominado “Na casa deles”, un proxecto musical e literario, consistente na gravación nun lugar vinculado a un escritor relevante da provincia de Lugo xa falecido unha canción sobre un poema do mesmo, xunto a…

O acto comezou coa voz de Marisa,coma en ocasións anteriores,rexeitando guerras sen cabida,especialmente a de Gaza,cos seus crimes e dores. Dúas persoas máis conformaban a mesa:Eva Teixeiro, a poeta e autora,e Sabela Seoane, a guía colaboradora.Amizade profunda, de corazón.Marisa fala delas, de maneira entrañable,con cariño e gran devoción. A autora, Eva Teixeiro, foi presentada:membro da AELG e Comadres das Letras,sempre un libro nas mans, apaixonada,rematando Marisa lendo un escrito dela. Concluíndo a súa intervención,dá paso á autora, Eva, que agradececon cariño, a Marisa, o seu inicio,e ao Iescha, o seu convite e atención. Sabela Seoane, fiel guía,colaboradora necesariana presentación do libro de poemas,mapa.gal, unha obra autoeditada,que a autora comparte, sen dilemas. Sabela, envolve á xente, en cada momento,pausas para observar, preguntar ou recitar,varias voces participan con sentimento,e Eva explica o…

Interesantísima a conferencia “O PATRIMONIO INVISIBLE” que na tarde-noite deste venres 31 de maio nos ofreceu CARLOS HENRIQUE FERNÁNDEZ COTO, nun acto organizado polo Instituto de Estudos Chairegos,  Falou, en primeiro lugar, Marisa Barreiro, presidenta do Iescha, comezando, como en moitas outras ocasións, condenando todos os conflitos bélicos que se están a producir no mundo. A continuación, entrando na temática da palestra, definiu o patrimonio como conxunto de bens culturais que pode dividirse en distintas clases, como o patrimonio material, que inclúe monumentos, edificios históricos e outros bens físicos, e o patrimonio inmaterial, que engloba tradicións, costumes, e coñecementos transmitidos de xeración en xeración. Rematou informando da actividade profesional, cultural e reivindicativa do conferenciante, Carlos Henrique Fernández Coto.  Carlos comezou falando da importancia do patrimonio inmaterial, que se mantén grazas…