REPRESENTACIÓN TEATRAL DA OBRA “BADMAN. UN HOME MALO” A CARGO DA COMPAÑÍA SOLITARIA DO DR. MONIFATE – NO AUDITORIO MUNICIPAL DE VILALBA – 4/11/2022 – 20:30 H.
O Instituto de Estudos Chairegos organiza para o venres 4 de novembro de 2022, ás 20:30 horas, no AUDITORIO MUNICIPAL DE VILALBA, e dentro do Circuito de teatro profesional da provincia de Lugo-Ciclo cultural Monicreques, promovido pola Área de Cultura da Deputación, a obra de teatro BADMAN, UN HOME MALO, de Gustavo Fouce, a cargo de A COMPAÑÍA SOLITARIA DO DR. MONIFATE. (Público maior de 16 anos.) SINOPSE Un home acepta e confesa a súa maldade despois de anos tentando converterse nunha boa persoa. Aínda que xa hai tempo que se descartou a frenoloxía como ciencia seguimos empregando os seus patróns de xeito inconsciente. Nacemos xa con tendencias cara certos comportamentos? Somos malas persoas disimulando para poder convivir? Somos bos e alguén nos perverte? Podemos prescindir totalmente da maldade? Unha peza sobre unha alfombra con aproximacións á comedia…