Categoría: Vídeos

ROTEIRO “ANÁLISE E INTERPRETACIÓN. QUE PASABA EN VILALBA? QUE DESTRUÍMOS? QUE CONSERVAMOS?” Magnífico o roteiro que organizou o IESCHA para esta tarde de sábado coa inestimable colaboración de EDUARDO RAMIL, director do MUPAV (Museo de Prehistoria e Arqueoloxía de Vilalba). Infinidade de aspectos interesantes os que fomos coñecendo ao longo do percorrido e o longo das distintas épocas. Para repetir!!! O noso especial agradecemento a Eduardo e a toda a xente que nos acompañou! Aí queda un pequeno video-resumo.

O Instituto de Estudos Chairegos (IESCHA) paticipou estes días 3, 4 e 5 de xuño na II Feira do Libro Vilalé compartindo posto coa Biblioteca Municipal. As persoas que por alí pasaron contemplaron as publicacións que o Iescha leva editadas ao longo dos seus 22 anos de vida. Na última xornada, dous membros da Xunta Directiva do IESCHA, Marisa Barreiro e Chema Felpeto, participaron nas presentacións de dous libros: “Non penses nun elefante rosa”, de Antía Yáñez, e “Eu son Exeria”, de Marisa Vidal Collazo, respectivamente. Aí deixamos un pequeno resumo.

Este venres, ás 20:30, na Casa da Cultura de Vilalba, tivo lugar a segunda conferencia que sobre o Rural, organizou o IESCHA. Nesta ocasión, correu a cargo de JOSÉ MOURIÑO CUBA, que foi presentado por ALFONSO BAAMONDE FERNÁNDEZ. A charla resultou amena, detallada e moi interesante.

Este venres, ás 19:00 horas, nunha das salas do Auditorio Municipal de Vilalba, tivo lugar a inauguración da Exposición INSTANTES, con debuxos de Carmen Cabaneiro e fotos de Juanjo de la Comba, nun acto organizado polo IESCHA, coa colaboración do Concello de Vilalba. Unha fermosa mostra presentada dun xeito moi orixinal e suxestivo.