CICLO DE CINE NA RÚA – PROXECCIÓN DA PELÍCULA “O NOSO ÚLTIMO VERÁN EN ESCOCIA

O Instituto de Estudos Chairegos (IESCHA), en colaboración co Concello de Vilalba, participa no CICLO DE CINE NA RÚA convocado pola Área de Cultura-Vicepresidencia da Deputación de Lugo, coa proxección ao aire libre da película O NOSO ÚLTIMO VERÁN EN ESCOCIA de Andy Hamilton e Guy Jenkin, que terá lugar no PARQUE ROSALÍA DE CASTRO DE VILALBA o vindeiro mércores 24 de agosto, ás 21:30 horas.

O NOSO ÚLTIMO VERÁN EN ESCOCIA

Sinopse:

Un matrimonio en crise viaxa a Escocia con motivo do 75 aniversario do avó. Como está gravemente enfermo tratan de ocultar a súa difícil situación para que non lle afecte á saúde, pero non lles vai ser nada doado manter o segredo por mor dos seus tres falangueiros fillos.

ACTORES E ACTRICES
Rosamund Pike, David Tennant, Billy Connolly, Celia Imrie, Emilia Jones, Ben Miller…

EQUIPO TÉCNICO
Dirección e guión: Andy Hamilton e Guy Jenkin

Fotografía:  Martin Hawkins

Música: Alex Heffes

Ano: 2014

País: Reino Unido

“(…) O Último Verán en Escocia é unha comedia moi entretida cunha forte dose de moralina que case logra emocionar pero, iso si, acada sacar un amplo sorriso e algunha que outra gargallada provocada pola espontaneidade e saídas dos tres pillabáns que, aínda que pareza mentira, acaban converténdose nos máis sensatos do conto. Atención tamén ao tratamento da paisaxe e da música tradicional celta que terá o seu punto álxido na catarse colectiva do fina.” (extracto da crítica de Andrés Castro publicada en NÓS DIARIO)


ENTRADA LIBRE E GRATUÍTA ATA COMPLETAR AFORO

Deixa unha resposta

O teu enderezo electrónico non se publicará Os campos obrigatorios están marcados con *

Vindeiras actividades

Esta web emprega cookies propias para o seu correcto funcionamento. Ao premer o botón Aceptar, aceptas o uso destas tecnoloxías e o procesamento dos teus datos para estos propósitos.    Máis información
Privacidad