O Instituto de Estudos Chairegos, o Concello de Vilalba e Edicións Xerais de Galicia organizan o acto de entrega do VIII Premio Agustín Fernández Paz de narrativa infantil e xuvenil pola Igualdade á escritora gañadora, EVA Mª MEJUTO, polo seu libro “QUECO E KIKA”, que terá lugar o sábado 25 de outubro de 2025, ás 20:00 horas, no AUDITORIO MUNICIPAL DE VILALBA.
O referido acto será presentado por CARMEN HERMIDA e contará coas intervencións de MARISA BARREIRO, presidenta do Iescha; MARTA ROUCO alcaldesa de Vilalba; FRAN ALONSO, director de Edicións Xerais de Galicia; MANUEL BRAGADO, membro do Xurado, e EVA Mª MEJUTO, gañadora do VIII Premio Agustín Fernández Paz.
Durante o acto, irán producíndose distintas actuacións relacionadas coa música, co teatro, coa poesía, coa palabra, coa imaxe…
Para elo, contaremos coa participación de:
- ASOCIACIÓN CULTURAL ANDRADE
- Danza das Burgas
- Rumbabria
- ALUMNADO BIBLIOTECA AGUSTÍN FERNÁNDEZ PAZ DO IES BASANTA SILVA
- Do que non arde
- MINICORO ESMUVI
- Homenaxe ás que cantan, ás que cantaron e ás que cantarán
- ALUMNADO ESCOLA MUNICIPAL DE TEATRO
- Mírame
Para a linguaxe de signos contaremos coa Asociación de Xordos de Lugo (AXORLU).
Nalgún momento do acto, darase lectura ao ditame do Xurado do IX Premio Agustín Fernández Paz de narrativa infantil e xuvenil pola Igualdade.
A entrada é de balde, pero haberá que reservala con antelación na páxina web do Concello, directamente na Casa da Cultura ou o mesmo día do acto na billeteira do Auditorio, sempre e cando quedasen asentos libres.