PROXECCIÓN DA PELÍCULA “TRES” DE JUANJO GIMÉNEZ, GAÑADORA DO PREMIO MESTRE MATEO 2022 – 19/11/22, ÁS 20:00 AUDITORIO MUNICIPAL DE VILALBA

O Instituto de Estudos Chairegos (IESCHA), en colaboración coa Academia Galega do Audiovisual, coa Área de Cultura Vicepresidencia da Deputación de Lugo e co Concello de Vilalba, continúa coas proxeccións correspondentes ás películas finalistas dos XX PREMIOS MESTRE MATEO (documentais e longametraxes). Nesta ocasión, tócalle o turno á película “TRES”, dirixida por Juanjo Giménez, e que resultou ser a longametraxe gañadora desta edición.

A proxección terá lugar no Auditorio Municipal de Vilalba o sábado 19 de novembro de 2022, ás 20:00 horas.

SINOPSE:

C. (39) é deseñadora de son. Goza co seu traballo. Pasa moitas horas soa, gravando efectos sala, wild-tracks, editando, mesturando. O estudo é o seu último refuxio: un lugar onde postergar as avariadas relacións que mantén coa súa exparella, coa súa anciá nai e cos seus compañeiros de traballo. Aínda que ela non o sabe, C. esta comezando a desincronizarse. Coma se fose unha película mal sonorizada, o seu cerebro comezou a procesar o son máis tarde que as imaxes.

PALMARÉS XX PREMIOS MESTRE MATEO

● Mellor longametraxe ● Mellor interpretación feminina protagonista ● Mellor son

 FICHA TÉCNICA:

● Duración: 104’

● Produtora: Tres La Película Frida Nadir AIE, Frida 

   Films, M-Films e Manny Films

● Dirección: Juanjo Giménez

● Dirección de arte: Antonio Pereira

● Dirección de fotografía: Javier Arrontes

● Dirección de produción: Miriam Devesa

● Guión: Juanjo Giménez, Pere Altimira

● Reparto: Marta Nieto, Miki Esparbé, Francisco Reyes, Luisa Merelas, Cristina Iglesias, Fran Lareu, Julius Cotter, Carmen Méndez

● Maquillaxe: Susana Veira

● Perruquería: Beatriz Antelo

● Montaxe: Cristóbal Fernández

● Música orixinal: Domas Strupinskas

● Son: Daniel Fontrodona, Oriol Tarragó, Marc Bech,    Marc Orts

● Vestiario: Aránzazu Domínguez

A ENTRADA SERÁ DE BALDE, PERO HABERÁ QUE REALIZAR A CORRESPONDENTE RESERVA BEN NA PÁXINA WEB DO CONCELLO BEN DIRECTAMENTE NO AUDITORIO O MESMO DÍA DA PROXECCIÓN

Deixa unha resposta

O teu enderezo electrónico non se publicará Os campos obrigatorios están marcados con *

Esta web emprega cookies propias para o seu correcto funcionamento. Ao premer o botón Aceptar, aceptas o uso destas tecnoloxías e o procesamento dos teus datos para estos propósitos.    Máis información
Privacidad