RESEÑA DA CHARLA IMPARTIDA POR IVÁN PRADO “UN PALLASO DE LUGO EN PALESTINA”, NUN ACTO ORGANIZADO POLO IESCHA NA CASA DA CULTURA DE VILALBA ESTE MARTES 12 DE MARZO. (GALERÍA E VIDEO)

O acto que na noite deste martes 12 de marzo organizou o Iescha  non só buscaba analizar e comprender a situación de agravio e inxustiza na que se atopa o pobo Palestino, senón reafirmar unha vez máis o  compromiso do IESCHA coa defensa dos seus dereitos  e a búsqueda dunha solución xusta e duradeira para o conflito nesa rexión, tal e como ven reivindicando acto tras acto, dende que comezou o mesmo Marisa Barreiro, residenta do IESCHA

E foi Marisa Barreiro a que tomo a palabra en primero lugar para facer a presentación de Iván Pérez, compoñente de Pallasos en Rebeldía, relatando con emotividade diversas anécdotas e circunstancias que o conduciron polo fantástico camiño da palabra, do humor e do sorriso, agradecéndolle a súa presenza neste significativo acto complementario e enmarcado tamén na exposición “Voces palestinas que contan”, da Biblioteca Aguistín Fernández Paz do IES Basanta Silva.

Pola súa parte, Iván Prado quixo empezar expresando o seu profundo agradecemento tanto a Marisa Barreiro como ao IESCHA por telo convidado a compartir a súa experiencia, extendendo a súa gratitude ao público presente.

A continuación, detallou como se xestou o mecanismo de creación de Pallasos en Rebeldía. Relatou como descubriu en Chiapas, xunto aos nativos da comunidade indíxena, o beneficioso que resultaba celebrar festas da cultura para respaldar causas xustas. Ilustrou, con abundantes e conmovedoras anécdotas, a súas intervencións en Palestina durante a segunda intifada, cautivando ao público asistente. Resistir a través da alegría e do humor demostrou ser unha táctica poderosa, pois como afirmou: “A risa é a menciña contra o medo”.

Tamén narrou como organizaron eventos en Galicia a través de Pallasos en Rebeldía, un proxecto que xurdiu en medio da crueldade e da violencia, co propósito de servir de ponte e amplificar a voz de aquelas persoas que encaran a adversidade día a día e con valentía.

“O pallaso fai que a xente humilde, a de abiaxo, poida enfrontarse aos de arriba, aos máis poderosos”, unha das moitas frases de Iván Prado e que ben podería resumir a súa emotiva e cautivadora charla.

Dende o Iescha queremos reiterarlle o noso mais sincero agradecemento pola súa habilidade para transmitirnos de maneira tan xovial unha situación tan inxusta, violenta, opresiva e inaceptable, permitíndonos entendela moito mellor.

Moitas grazas tamén ao público asistente.

Ata a próxima!!!

VIDEO RESUME DO ACTO: https://www.facebook.com/watch?v=1128619375220232

Deixa unha resposta

O teu enderezo electrónico non se publicará Os campos obrigatorios están marcados con *

Esta web emprega cookies propias para o seu correcto funcionamento. Ao premer o botón Aceptar, aceptas o uso destas tecnoloxías e o procesamento dos teus datos para estos propósitos.    Máis información
Privacidad