VIDEO-RESUME DO ACTO DE INAUGURACIÓN DA INSCRICIÓN NUNHA LOUSA DA PRAZA EN HOMENAXE A BERNARDO GARCÍA CENDÁN NO X CABODANO

Non podía escollerse un mellor acto por parte do IESCHA para rematar este ano 2022: unha merecida homenaxe a Bernardo García Cendán cando se cumplen dez anos do seu pasamento, inaugurando unha incrición nunha das lousas da praza da Igrexa, esa praza que tantas veces el percorreu.

E parece como se o tempo fixese unha paréntese entre tanta choiva e nos agasallara cunha fermosa mañá (algo ventosa) para lembrar ao noso benquerido Bernardo. Porque diso se trataba: recordar, loubar, añorar, por en valor … ao intelectual, ao escritor, ao crego, ao compañeiro… ao amigo.

E a fe que se conseguiu. Coa presenza de familiares e xente amiga; coa colaboración de Icía Cortiñas e Sara Puentes, interpretando dúas fermosas pezas á guitarra e á frauta; co recitado de máis de catorce poemas do propio Bernardo a cargo de familiares e amigas e amigos; co bo traballo do noso canteiro de cabeceira, José Gómez de Barnardo “Pepón”, coa boa disposición do equipo técnico do Concello, e sobre todo coa presenza de moitas persoas que quixeron deixar constancia do seu cariño por Bernardo.

Así que, a palabra, a música, a poesía, a reivindicación, que foron sempre protagonistas na vida de Bernardo, (armas de paz, que diría el), fórono tamén hoxe neste sinxelo pero emotivo e entrañable acto.

Graciñas a tod@s. Feliz Ano 2023!!!

Vémonos axiña…

Deixa unha resposta

O teu enderezo electrónico non se publicará Os campos obrigatorios están marcados con *

Esta web emprega cookies propias para o seu correcto funcionamento. Ao premer o botón Aceptar, aceptas o uso destas tecnoloxías e o procesamento dos teus datos para estos propósitos.    Máis información
Privacidad