O IESCHA organiza a X Ruta Cultural polas terras de RIBADAVIA, prevista para o domingo 29 de xuño de 2025. Guiad@s polo historiador da cultura galega, Felipe-Senén, coñeceremos a cidade e arredores de Ribadavia, capital dos cinco ribeiros.
PROGRAMA
A saída de Vilalba, dende a Casa da Cultura, producirase ás 9:00 horas.
A continuación, viaxe Vilalba – Ribadavia.
Chegados a Ribadavia, visitaremos pola mañá:
Casco Vello, Praza Maior, Antiga Xudería, Castelo dos Condes de Sarmiento, Convento…
Sobre ás 14:30, terá lugar o xantar no
Restaurante Evencio, Rúa Carballiño, 50 Ribadavia. Telf. 988 471045
O menú será a base de:
ENTRANTES AO CENTRO DA MESA: ENSALADILLA RUSA – EMPANADA
SEGUNDO (a escoller): REDONDO DE TERNEIRA CON PATACAS E ENSALADA ou BACALLAU Á GALEGA
SOBREMESA: TARTA XEADA
BEBIDAS: Viño de mesa, caña, refrescos, auga, café (non entran outras bebidas).
Despois de xantar e dun pequeno repouso, visitaremos o Museo do Viño de Galicia, en Santo André de Camporredondo, e o Mosteiro bieito de San Clodio de Leiro.
Rematada a visita, regresaremos a Vilalba.
A cuota que haberá que pagar será de 30€ por adulto. No prezo vai incluída a comida e o autobús.
Os/as interesados/as poderán apuntarse ata o mércores 25 de xuño, como data tope improrrogable, ben enviando unha mensaxe á conta de correo electrónico do Iescha, estudoschairegos@gmail.com, ben contactando persoalmente ou por teléfono con calquera membro da súa Xunta Directiva, facendo constar, de ser o caso, calquera circunstancia que se considere oportuno sinalar.
(Algúns teléfonos: 686-451501/651-361628).