INAUGURACIÓN DA EXPOSICIÓN “LÁMINAS DO QUIXOTE” DE JESÚS TRASTOY – XOVES 27 DE OUTUBRO, ÁS 20:00 NO AUDITORIO DE VILALBA

O Instituto de Estudos Chairegos, continuando coa súa programación de actividades para o presente ano 2022, organiza a EXPOSICIÓN “LÁMINAS DO QUIXOTE” de JESÚS TRASTOY

A inauguración está prevista para o xoves 27 de outubro, ás 20:00 horas, na sala de exposicións do Auditorio Municipal de Vilalba e poderase visitar ata o 30 de novembro no horario de apertura do mesmo.

A mostra está formada por 108 láminas  (ilustracións da novela de Cervantes) que Jesús Trastoy debuxou a bolígrafo nun minucioso, paciente e encomiable traballo.

JESÚS TRASTOY SAAVEDRA naceu na popular e histórica rúa da Porta de Cima de Vilalba o día 12 de setembro de 1941.

Nos anos da súa actividade laboral dedicou o tempo á construción e á telefonía, traballando en distintas empresas e en lugares moi espallados. Esta circunstancia impediulle desenvolver unha das actividades pola que sentía verdadeira paixón: a pintura.

Con todo e con iso, unha parte importante do seu tempo de lecer ocupouno na visita a exposicións de pintura, preguntándose a miúdo “como se podería facer algo como o que facían os que expoñían”.

Logo dunha intensa vida de traballo, chegoulle a prexubilación, e con ela a posibilidade de gobernar a súa existencia. Foi daquela cando se iniciou nas complicadas artes do pincel, asistindo a cursiños impartidos en Vilalba por Maximiliano López e Manolo Carballeira.

A partir de entón e xa instalado definitivamente na súa vila natal, foi “argallando á súa maneira” e desenvolvendo unha xa longa traxectoria como pintor na dourada idade da xubilación. Logrou converter esta nun auténtico xúbilo estético.

Un pensamento en “INAUGURACIÓN DA EXPOSICIÓN “LÁMINAS DO QUIXOTE” DE JESÚS TRASTOY – XOVES 27 DE OUTUBRO, ÁS 20:00 NO AUDITORIO DE VILALBA

Deixa unha resposta

O teu enderezo electrónico non se publicará Os campos obrigatorios están marcados con *

Vindeiras actividades

Esta web emprega cookies propias para o seu correcto funcionamento. Ao premer o botón Aceptar, aceptas o uso destas tecnoloxías e o procesamento dos teus datos para estos propósitos.    Máis información
Privacidad