Categoría: Vídeos

Nesta pasada tarde-noite de venres, na Casa da Cultura de Vilalba, o Iescha deu comezo a un ciclo de conferencias que terán como protagonista principal á muller.  É o primeiro acto deste ciclo resultou moi interesante: Germán Castro, periodista, presidente fundador e, actualmente, presidente de honra do Club de Prensa de Ferrol, conversou con nós ao redor da figura de Angeles Alvariño, zoóloga, oceanógrafa e mestre galega, que desenrolou a súa actividade máis importante nos EEUU.  Durante a intervención do conferenciante, poidemos ir coñecendo interesantes detalles biográficos e profesionais da investigadora galega, a quen, entre outras moitas cousas, temos que agradecer a descrición de 22 novas especies planctónicas.  Participaron tamén no acto, María Xosé Lamas e Marisa Barreiro que complementaron estupendamente ao conferenciante.  Dende o Iescha, queremos agradecer a Germán Castro…

Coa asistencia de numeroso público que enchía o salón de actos da Casa da Cultura de Vilalba, levouse a cabo este venres unha mesa redonda baixo o título de “Manuel Fraga Iribarne, na luz e na sombra”, organizada polo Instituto de Estudos Chairegos e na que interviron Xesús Palmou, Lourenzo Fernández Prieto, Agustín Baamonde e Antón Baamonde. Realizou a tarefa de moderador, Baruk Domínguez.  Agradecemos a todos eles a boa disposición mostrada á hora de participar neste acto aportando cadanseu punto de vista  ao redor de tan controvertido personaxe.  Facemos extensivo o agradecemento a todo o público asistente. https://youtu.be/eJiNJLWGhYQ

Non podía escollerse un mellor acto por parte do IESCHA para rematar este ano 2022: unha merecida homenaxe a Bernardo García Cendán cando se cumplen dez anos do seu pasamento, inaugurando unha incrición nunha das lousas da praza da Igrexa, esa praza que tantas veces el percorreu. E parece como se o tempo fixese unha paréntese entre tanta choiva e nos agasallara cunha fermosa mañá (algo ventosa) para lembrar ao noso benquerido Bernardo. Porque diso se trataba: recordar, loubar, añorar, por en valor … ao intelectual, ao escritor, ao crego, ao compañeiro… ao amigo. E a fe que se conseguiu. Coa presenza de familiares e xente amiga; coa colaboración de Icía Cortiñas e Sara Puentes, interpretando dúas fermosas pezas á guitarra e á frauta; co recitado de máis de catorce…

Hoxe, na Casa da Cultura de Vilalba, o IESCHA organizou a presentación do libro de Brais Lamela “NINGUÉN QUEDA”. Marisa Barreiro, presidenta do IESCHA, abriu o acto dando a palabra a Brais Lamela, o autor do libro, e a Xabier Cordal, profesor e escritor, que a xeito de conversa amena e distendida, souberon transmitir ao público asistente algúns dos aspectos máis significativos deste libro que xa vai pola 5º edición. Parabéns a Brais polo seu magnífico traballo, e a Xabier pola lucida introdución inicial e conversa posterior co autor. Dende o Iescha, o noso agradecemento, que facemos extensivo ao público que encheu a Casa da Cultura. https://youtu.be/hwJ8iA6bk3c

O Instituto de Estudos Chairegos (IESCHA) e Nova Poesía Guitírica (NPG) organizaron onte na Casa da Cultura de Vilalba a presentación do libro, editado por CHAN DA PÓLVORA “PALMEIRAS E PIUEIROS”, do que é autor ANXO ANGUEIRA, presidente da Fundación Rosalía de Castro.  O acto contou tamén coa presenza e as intervención de Mª Xosé Lamas, en representación da Nova Poesía Guitírica, e de Marisa Barreiro, presidenta do Iescha. A morte da palmeira de Manselle (un verdadeiro emblema do lugar natal do seu autor) é a orixe deste fermoso libro de poemas de Anxo Angueira, ao que sempre é un placer escoitalo, e que, entre outras moitas cousas, nos comentou que o libro pretende ser unha refexión sobre a idea de rexurdimento na historia cultural da Galicia. Tanto dende o IESCHA como dende a…

Este venres, na Casa da Cultura de Vilalba, tivo lugar o acto de presentación do libro de Antón Baamonde “UNHA NOVA OLANDA. De Ferrol ao Porto: As cidades galegas e o norte de Portugal no escenario global” e que contou coa presentación de Marisa Barreiro, presidenta do Iescha...  Moi interesante a intervención de Antón Baamonde que nos foi detallando as principais ideas contidas no mesmo, principalmente o modelo de futuro da nosa Galiza, facendo especial mención ao desenrolo urbán, á relación co norte de Portugal, á falta de perspectiva, a carencia de estratexia…  Ao remate da charla, produciuse un animado e participativo debate sobre os puntos sinalados polo autor.Dende o IESCHA só nos queda agradecer moi sinceramente a Antón Baamonde a súa participación neste acto e por ternos agasallado cun feixe…

Na noite deste xoves, o Instituto de Estudos Chairegos levou a cabo, no Auditorio Municipal de Vilalba, a inauguración da EXPOSICIÓN “LÁMINAS DO QUIXOTE” de JESÚS TRASTOY, que poderá ser visitada ata o 30 de novembro. A mostra está formada por 108 láminas (ilustracións da novela de Cervantes) que Jesús Trastoy debuxou a bolígrafo nun minucioso, paciente e encomiable traballo. Todas as persoas que asistiron á inauguración destacaron, unha vez contempladas as láminas, o magnífico e brillante traballo realizado por Jesús Trastoy, a calidade do mesmo así como a importancia da técnica empregada. Dende o IESCHA, só nos queda agradecer a todas esas persoas a asitencia ao acto, e a Jesús Trastoy desexarlle todo o mellor e que siga disfrutando por moitos anos de toda a súa actividade cultural, que…

Na tarde noite deste sábado, o IESCHA, en colaboración co Concello de Vilalba e Edicións Xerais de Galicia, organizou no Auditorio o acto de entrega do V Premio Agustín Fernández Paz de narrativa infantil e xuvenil pola igualdade a LOIS PÉREZ, gañador polo seu libro A GRUTA DA TORRE. Un acto que tamén serve para lembrar a figura do noso benquerido Agustín. E dese xeito deu comezo o evento, proxectando un pequeno pero emotivo video na súa memoria. A partir de aquí, fóron sucedéndose unha tras outra, as fantásticas actuacións coas que nos deleitaron PABLO DEL VALLE, AS MOUCHAS (Grupo de alumnas do IES Basanta Silva), CORREDORES DE SOMBRA, o alumnado da ESCOLA MUNICIPAL DE TEATRO, novamente AS MOUCHAS, LOIS PÉREZ, PABLO DEL VALLE E MARCOS SACHIN NOVO, e como…