Nesta pasada tarde-noite de venres, na Casa da Cultura de Vilalba, o Iescha deu comezo a un ciclo de conferencias que terán como protagonista principal á muller.
É o primeiro acto deste ciclo resultou moi interesante: Germán Castro, periodista, presidente fundador e, actualmente, presidente de honra do Club de Prensa de Ferrol, conversou con nós ao redor da figura de Angeles Alvariño, zoóloga, oceanógrafa e mestre galega, que desenrolou a súa actividade máis importante nos EEUU.
Durante a intervención do conferenciante, poidemos ir coñecendo interesantes detalles biográficos e profesionais da investigadora galega, a quen, entre outras moitas cousas, temos que agradecer a descrición de 22 novas especies planctónicas.
Participaron tamén no acto, María Xosé Lamas e Marisa Barreiro que complementaron estupendamente ao conferenciante.
Dende o Iescha, queremos agradecer a Germán Castro a súa participación cunha interesantísima e detallada intervención que contribuirá sen dúbida a termos un maior e mellor coñecemento desta gran científica galega. Agradecemento que facemos extensivo a Mª Xosé e a Marisa.
E, para rematar, moitas grazas ao público que asistiu ao acto a pesar das inclemencias meteorolóxicas.